الوضع بعبرا ما بقا ينحمل .. الموضوع بده حل و بأسرع وقت
الوضع بعبرا ما بقا ينحمل
الريحة قاتلة.
حريق من 4 ايام خلف حديقة عبرا.
الدفاع المدني طفى الحريق مشكورين لكن الدخان بعده مغطي المكان من 4 ايام و رح نختنق
نحن و اولادنا عم نتنشق سموم... الاولاد اللي عندها مشاكل تنفسية رح تختنق... اللي معه حساسية حرفيا عم يفطس و مش بحاجة نذكر حدا انه ادوية الحساسية مقطوعة و اذا انوجدت قديش غالية. الريحة و الدخنة بتسبب آلام في الرأس و غثيان ..
بيوتنا ريحتها كلها دخنة و العفش و البرادي. ثيابنا و مناشفنا و شراشفنا ريحتها دخان و زبالة محروقة! بتتحمم بتطلع من الحمام ريحة شعرك حريق و قرف! منموت و منعيش لنلاقي فرصة لنغسل الغسيل المكدس بسبب قطعة الكهربا، و بالاخر منلمه ريحته دخان.
وفوق الموتة عصة قبر: تقنين المولدات يعني استحالة اغلاق النوافذ، و مستوعبات النفايات اللي فاضت و اللي بدها 3 نقلات ليتم تفريغها، و كل ما تجي شاحنة الزبالة بتعف الروايح القاتلة!! و صارت مرتع للحشرات و القوارض الضارة!
حرفيا عم نختنق و المعنيين بالمنطقة ما بعرف مش شامين؟ ما حاسين!
الموضوع بده حل و بأسرع وقت لأنه ما قادرين اكتر من هيك!
#بلدية_عبرا
#اتحاد_بلديات_صيدا_والزهراني
بقلم| ريان كالو
